GET~GET~GET

Gedirsənsə get...
Yaralı xəstəyəm yardıma möhtac,
Yarama məlhəmin yoxundursa GET.
Qəlbimdə atəşli sevgi var, amma,
Bu odda yanmaqdan qorxursansa GET.

Sevirəm söylədim səni sevəndə,
Səninsə sözlərin qalibdir səndə,
Dastan heykəl kimi durma önümdə,
Deyəcək bir sözün yoxundusa GET.

Gözüm yad baxışlar görür gözündə,
Bilirəm bu günah deyil özündə,
Sənin əqidəndə, sənin özündə,
Əhdə sadəqətin qalmayıbsa GET.

Biz yola çıxırıq həyat adında,
Bu yolda olacaq qar da, boranda
Hələ başlamadan, yolun başında
Bir addım atmadan yoruldunsa GET.

Bu yolu sonadək gedəcəym mən,
Dostlardır ümidim, tək deyiləm mən,
Deyirlər ən sonda ümiddir ölən,
Sən mənim ümidim deyilsənsə GET,
Sənə qal demirəm, gedirsənsə GET...